ممبئی: اداکارہ چترانگدا سنگھ، جو اگلی فلم گیس لائٹ میں نظر آئیں گی، کا کہنا ہے کہ انہوں نے اداکار سیف علی خان کو میسج کرتے ہوئے ان کی بیٹی سارہ علی خان کے ساتھ کام کرنے کے اپنے تجربے کے بارے میں بتایا۔ چترانگدا نے سال 2018 کی فلم بازار میں سیف کے ساتھ اس وقت کام کیا تھا، جب سارہ علی خان نے فلم کیدارناتھ سے فلم انڈسٹری میں قدم رکھا تھا۔Chitrangda Singh texted Saif Ali Khan
- " class="align-text-top noRightClick twitterSection" data="
">
باپ اور بیٹی دونوں کے ساتھ کام کرنے کے بعد چترانگدا نے دونوں کی تعریف کی۔ اس بارے میں بات کرتے ہوئے چترانگدا سنگھ کا کہنا تھا کہ 'یہ بہت عجیب بات ہے کہ وہ (سارہ علی خان) اپنی پہلی فلم اس وقت کر رہی تھی جب میں اور سیف علی خان ایک فلم کی شوٹنگ کر رہے تھے اور اب میں ان کے ساتھ کام کر رہی ہوں'۔
- " class="align-text-top noRightClick twitterSection" data="
">
گیس لائٹ کی پروموشنز کے دوران چترانگدا نے انکشاف کیا کہ انہوں نے سیف کو سارہ کے ساتھ کام کرنے کے اپنے تجربے کے بارے میں میسج بھیجا۔ انہوں نے بتایا کہ 'میں نے سیف کو میسج کیا کہ ان کی بیٹی کتنی اچھی ہیں اور میں اس کے ساتھ کام کر کے کتنی خوش ہوں۔ وہ پیاری ہے اور سیٹ پر بہت پرجوش نظر آتی ہیں۔ میں نے ان دونوں کے ساتھ کام کر کے بہت اچھا وقت گزارا ہے'۔فلم گیس لائٹ میں چترانگدا رکمنی نامی خاتون کا کردار ادا کرتی نظر آئیں گی۔ گیس لائٹ میں اپنے کردار کے بارے میں بات کرتے ہوئے چترانگدا نے پہلے کہا تھا کہ یہ ان کی کرئیر کا اب تک کا سب سے پیچیدہ کردار ہے۔
گیس لائٹ ایک تھرلر ڈرامہ فلم ہونے والی ہے، جس کی شوٹنگ گجرات میں 36 دن میں مکمل کرلی گئی تھی۔رمیش تورانی، ٹپس فلمز لمیٹڈ اور اکشائی پوری، 12ویں اسٹریٹ انٹرٹینمنٹ کے ذریعہ تیار کردہ اور پون کرپلانی کی ہدایت کاری میں بننے والی یہ فلم 31 مارچ کو ڈزنی پلس ہاٹ اسٹار پر ریلیز ہوگی۔ اس تھرلر میں وکرانت میسی، چترانگدا سنگھ، اکشے اوبرائے، راہول دیو سمیت دیگر اداکار بھی ہیں۔
