حیدرآباد: آہان شیٹی کی گرل فرینڈ تانیہ شراف کی سالگرہ تقریب میں بالی ووڈ کے اسٹار کڈز نے شرکت کی، جس کی تصاویر اور ویڈیوز سوشل میڈیا پر وائرل ہورہی ہے۔ اس تقریب میں آہان اور تانیہ کے دوست آرین خان، سہانا خان، شنایا کپور، خوشی کپور اور دیگر اسٹار کڈز موجود نظر آئے۔ اپنی سالگرہ کے موقع پر انفلوینسر اور فیشن ڈیزائنر تانیہ شراف نے ممبئی ستاروں سے سجی اس تقریب کی میزبانی کی۔ Tania Shroff's Bday Bash
- " class="align-text-top noRightClick twitterSection" data="
">
بالی ووڈ سپر اسٹار شاہ رخ خان اور انٹیریئر ڈیزائنر گوری خان کے بیٹے آرین خان کو شنایا اور ان کے دوستوں کے ساتھ اس تقریب میں آتے دیکھا گیا۔ جبکہ شاہ رخ اور گوری کی بیٹی سہانا خان تھوڑی دیر بعد الگ گاڑی میں پارٹی کے لیے پہنچیں۔ پارٹی کے لیے شنایا نے بلیک ٹینک ٹاپ اور اسکرٹ کا انتخاب کیا جبکہ آرین ہمیشہ کی طرح ہوڈی اور جینز پہن کر پہنچے۔
- " class="align-text-top noRightClick twitterSection" data="
">
ورون دھون کی بھانجی انجینی دھون کو بھی پارٹی میں دیکھا گیا۔ پروڈیوسر بونی کپور اور آنجہانی اداکارہ سری دیوی کی بیٹی خوشی کپور بھی پہنچیں۔ اس دوران آہان شیٹی نے اپنی گرل فرینڈ تانیہ کے ساتھ تصویریں بھی کھینچائی۔ دونوں ایک دوسرے کے ساتھ بے حد خوش نظر آئے۔ تڑپ کے اداکار آہان بلیک ٹی شرٹ اور پینٹ میں نظر آئے۔ دوسری طرف تانیہ کالے لباس میں خوبصورت لگ رہی ہیں۔
- " class="align-text-top noRightClick twitterSection" data="
">
آرین، سہانا اور شنایا سبھی بالی ووڈ میں قدم رکھنے کے لیے تیار ہیں۔ سہانا زویا اختر کی فلم دی آرچیز میں خوشی کپور کے ساتھ کام کرتی نظر آئیں گی جبکہ آرین جلد ہی بطور ہدایتکار اپنے کرئیر کا آغاز کرنے والے ہیں۔ دوسری جانب شنایا کپور کرن جوہر کی دھرما پروڈکشن کے تحت بننے والی فلم بے دھڑک میں نظر آئیں گی۔
