لالو یادو لوک سبھا کے نتائج سے پریشان ہیں

لوک سبھا انتخابات میں ارجے ڈی کی بری ہار نے لالو پرساد یادو کو پریشانی میں مبتلا کردیا ہے۔

نتیجے آنے کے بعد سے وہ ٹھیک سے سو نہیں پارہے ہیں ۔ دن کا کھانا تو چھوڑ ہی دیا ہے اور رات میں بھی مشکل سے ہی کھارہے ہیں۔
لالو چارہ کیس کے سلسلے میں سزا کاٹ رہے ۔ ڈاکٹروں نے اندیشہ ظاہر کیا کہ وہ انکسائیٹی کے شکار ہیں۔
رمس کے میڈیسن ڈپارٹمنٹ کے ڈاکٹر امیش پرساد نے بتایا کہ انتخابات کے نتیجے آنے کے بعد لالو کی روز مرہ کی زندگی بے ترتیب ہوگئی ہے ۔
لالو کئی بیماریوں سے جوجھ رہے ہیں۔ انہیں ہائی بلڈ پریشر اور ذیابطیس کی شکایت ہے ۔ کارڈیک سرجری اور دل کا والوو بھی بدلا گیا ہے۔ انہوں نے کھانا پینا چھوڑ دیا ہے جس سے ان کی طبیعت مزید بگڑ سکتی ہے۔