ووٹ ڈالنے کے بعد ایک خاتون کی موت

الیکشن کمیشن کے اس نعرے 'ووٹ آپ کا حق ہے' کو سہارنپور کی ایک خاتون نے اتنی سنجیدگی سے لیا کہ پہلے اس نےاپنا ووٹ ڈالا بعد میں اس کی موت ہو گئی۔

اتر پردیش کے ضلع سہارنپور کے بہٹ اسمبلی علاقے کے ایک گاوں اصغری میں وکیلہ نامی 50 سالہ خاتون نے گھنٹوں قطار میں کھڑی ہوکر اپنی باری کا انتظار کیا، بلآخر اپنا ووٹ کرنے کے بعد اس کی جان چلی گی۔

ووٹنگ کے لیے قطار میں کھڑے لوگوں کا کہنا ہے کہ کافی دیر تک کھڑے رہنے کے بعد جب خاتون کی باری آئی تو اس عورت نے اپنا ووٹ ڈالا اور باہر آ گئی، تاہم جیسے ہی عورت کمرے سے باہر نکلیں وہ بے ہوش ہو کر زمین پر گر گئی۔

تیز دھوپ اور گرمی کو وجہ مان کر بے ہوش ہوئی یہ عورت کو الیکشن کی ڈیوٹی پر مامور پولیس افسران نے گاڑی میں خاتون کو اسپتال پہنچایا جہاں ڈاکٹروں نے اس عورت کو مردہ قرار دیا۔

قابل ذکر ہے کہ عورت کی موت کے بعد اہل خانہ میں کہرام مچ گیا، تاہم اپنی موت سے پہلے ووٹ ڈال کر یہ عورت ووٹ کی اہمیت اجاگر کر گئی۔