ریاست اترپردیش میں کانگریس پارٹی کے ریاستی صدر اجے کمار للو کو پولیس نے بھدوہی سرحد پر اس وقت حراست میں لے لیا گیا جب ریاستی صدر اپنے تین لوگوں کے ہمراہ اُنبھا گاؤں سانحہ کی برسی پر بھدوہی جارہے تھے۔
بھدوہی سرحد پر روکے جانے سے اجے کمار للو کی پولیس اہلکاروں کے ساتھ نوک جھونک بھی ہوئی، للو نے یوپی سرکار کو استحصال کرنے والی سرکار بتایا اور کہا کہ حکومت کی غلط پالیسیوں کی وجہ سے لوگوں کا جینا مشکل ہو رہا ہے۔ پولیس نے اجے کمار للو کو حراست میں لے کر سیتامڑھی گیسٹ ہاؤس لیکر گئی ہے۔
واضح رہے کہ بھدوہی کے انبھا گاؤں میں زمینی تنازع میں 11 افراد کا قتل کردیا گیا تھا جس کی آج برسی تھی۔
بنارس میں کانگریس کے رہنما ہریش مشرا نے کہا کہ اجے کمار للو گزشتہ برس بھدوہی کے انبھا گاؤں میں ہونے والے سانحے کی برسی میں شامل ہونے جا رہے تھے، اسی دوران پولیس نے حراست میں لیا ہے، حکومت اپنی ناکامی چھپانے کے لیے ایسا قدم اٹھا رہی ہے.
انہوں نے کہا کہ کانگریس پارٹی ڈرنے والی نہیں سڑک پر اتر کر عوام کی لڑائی لڑیں گی، انہوں نے کہا کہ نہ صرف اجے کمار للو کو گرفتار کیا گیا ہے بلکہ بنارس سے جا رہے تمام بڑے کانگریسی رہنماؤں کو گرفتار کر لیا گیا ہے جس میں سابق رکن پارلیمنٹ راجیش مشرا، اجے رائے اور سریتا پٹیل سمیت متعدد رہنما شامل ہیں۔
واضح رہے کہ گذشتہ برس انبھا گاؤں سانحے میں متأثعہ سے ملاقات کے لیے جانے سے کانگریس پارٹی کی جنرل سیکریٹری پرینکا گاندھی کو بھی روکا گیا تھا۔
