ریاست اترپردیش کے ضلع مئو کے گھوسی لوک سبھا کے قاری ساتھ علاقے میں عام آدمی پارٹی نے ایک اجلاس منعقد کیا جس میں پارٹی نے ریاست کے آئندہ پنچایت انتخابات میں اپنے امیدوار اتارنے کی تیاری شروع کردی ہے۔
واضح رہے کہ پارٹی ترقی کے لیے اپنے دہلی ماڈل کی بنیاد پر انتخابی مہم کا آغاز کرے گی اور عام آدمی پارٹی اترپردیش کے پنچایت انتخابات میں حصہ لے گی۔
خیال رہے کہ پنچایت انتخابات کے لیے پارٹی نے اپنے عہدیداروں اور پارٹی کارکنوں کو میدان میں اتار دیا ہے۔
ضلع مئو میں عام آدمی پارٹی کی دیہی علاقے میں پہلی میٹنگ کا انعقاد کیا گیا جس میں مسلم اکثریت والی قاری ساتھ گاؤں پنچایت میں پارٹی نے اپنے امیدوار کو کامیاب بنانے کی اپیل کی۔
عام آدمی پارٹی کے ضلع مئو کے انچارج بنائے گئے رکن اسمبلی ونے مشرا نے پروگرام میں شرکت کرتے ہوئے کہا کہ پارٹی دہلی کی طرز پر اترپردیش میں بھی عوامی خدمت کی بنیاد پر پنچایت انتخاب میں حصہ لے گی اور امیدوار اتارے گی
اس موقع پر پارٹی کی اقلیتی سیل کے ریاستی نائب صدر شاہ عالم الفت نے بھی جلسے کو خطاب کیا۔
