جموں وکشمیر کے ضلع گاندربل میں سرپنچ ایسوسی ایشن نے بی ڈی او دفتر کے عملے کے خلاف احتجاج کیا۔
جس کی تازہ مثال آج کے اس پروٹسٹنٹ کی ہے جو گاندربل سرپنچ ایسوسی ایشن کے زمہ داران نے کنگن بلاک دفتر میں کیا ہے۔
سرپنچ ایسوسی ایشن گاندربل کے صدر نظیر احمد رینا کی صدارت میں آج درجنوں سرپنچ اور پنچ نے کنگن بلاک ڈویلپمنٹ دفتر میں جمع ہوکر افسران اور ملازمین کے خلاف یہ کہہ کر احتجاج کیا کہ یہ دفتر رشوت خوری کا مرکز بن گیا ہے۔
اس دوران سرپنچوں نے کہا ہے کہ 'اس دفتر میں ہمارے کام نہیں ہو رہے ہیں اور ہم سے صرف اور صرف رشوت مانگا جا رہا ہے جو کہ ہم دینے کے لیے تیار نہیں ہے۔ انہوں نے بتایا کہ 'رشوت نہ دینے کی وجہ سے ہمارے کام یا فائل کو روک دیا جاتا ہے۔'
یہ بھی پڑھیں: رامبن: تعمیراتی کمپنی اور انتظامیہ کے خلاف احتجاج
انہوں نے حکومت اور سرکاری اعلیٰ افسران سے مطالبہ کیا ہے کہ رشوت مانگنے والے ملازمین کے خلاف کارروائی عمل میں لایا جائے اور انہیں نوکری سے برطرف کیا جائے۔'
