جموں و کشمیر کے ضلع گاندربل میں سوشل میڈیا پر بچہ اغوا کرنے کی خبریں تیزی سے وائرل ہو رہی ہے۔ کچھ سوشل میڈیا پلیٹ فارم پر یہ خبریں اپ لوڈ کی گئی ہیں کہ کچھ نامعلوم غیر مقامی افراد نے یانیہومہ لار گاندربل میں نابالغ بچوں کو اغوا کرنے کی کوشش کی۔ Child Kidnapped case in Ganderbal
وہیں اس معاملے کی حقیقت جاننے کے لئے علاقے کے مکان مالک اور دیگر عینی شاہدین کے بیانات لیے گئے جس سے تصدیق ہوتی ہے کہ غیر مقامی لوگ کسی مجرمانہ کام میں ملوث نہیں تھے۔ وہیں غیر مقامی لوگ نے بتایا کہ 'وہ علاقے میں بھیک مانگ رہے تھے، انہوں نے نہ تو کسی نابالغ بچے کو اغوا کرنے کی کوشش کی اور نہ ہی کسی چوری کی کوشش میں ملوث ہوئے۔'
یہ بھی پڑھیں: Abducted Girl Recovered in Budgam: بڈگام میں اغوا شدہ لڑکی بازیاب، ملزم گرفتار
پولیس نے بتایا کہ 'سوشل میڈیا پلیٹ فارمز نے مقامی پولیس سے حقائق کی تصدیق کیے بغیر اس ویڈیو کو اپ لوڈ کیا ہے۔ تمام سوشل میڈیا پلیٹ فارمز کو ہدایت کی جاتی ہے کہ سوشل میڈیا پر اس جعلی خبر کو گردش نہ کریں۔ جو کوئی بھی ایسی جعلی اور بے بنیاد خبریں پھیلانے میں ملوث ہو گا اسے قانون کی متعلقہ دفعات کے تحت گرفتار کیا جائے گا۔ مزید یہ کہ افواہ پھیلانے والوں سے قانون کے تحت سختی سے نمٹا جائے گا۔'
