وادی کشمیر کے معروف اخبار 'گریٹر کشمیر' کو جمعرات کے روز انتظامیہ نے سرینگر کی پریس کالونی میں واقع اُن کے دفتر کو خالی کرنے کا نوٹس بھیجا ہے۔ اخبار کے ایک ملازم نے ای ٹی وی بھارت کو نام نہ بتانے کی شرط پر بتایا کہ 'انہیں نوٹس بھیجا گیا ہے جس میں انتظامیہ کی جانب سے یہ کہا گیا ہے کہ یہ دفتر خالی کیا جائے'۔
انگریزی اخبار 'گریٹر کشمیر' کے دفتر کو خالی کرنے کا نوٹسانگریزی اخبار 'گریٹر کشمیر' کے دفتر کو خالی کرنے کا نوٹس
اُن کا مزید کہنا تھا کہ 'اخبار کا یہ دفتر گذشتہ 31 برس سے قائم ہے اور آج ہمیں یہاں سے باہر نکلنے کو کہا جارہا ہے۔ ہمارا دوسرا دفتر رنگریٹ میں ہے، یہاں ہمارا اشتہار کا سیکشن تھا۔
واضح رہے کہ اخبار اس وقت پریس کولونی میں واقع ایک سرکاری بلڈنگ میں کام کر رہا۔ اس سے قبل اخبار 'دی کشمیر ٹائمز' کو بھی انتظامیہ کی جانب سے نوٹس بھیج کر پریس کالونی سے نکالا گیا تھا۔
