جے کے ای ڈی آئی پامپورمیں میٹنگ کا انعقاد

ضلع انتظامیہ پلوامہ کی جانب سے قصبہ پانپور کے جے کے ای ڈی آٸی پامپور میں آج ضلع پلوامہ کے ترقیاتی منظر نامے پر ایک اہم میٹنگ منعقد کی گئی ہے۔ میٹنگ میں ڈی ڈی سی اوربی ڈی سی ممبران کے علاوہ بلاک افسران نے شرکت کی۔

جے کے ای ڈی آئی پانپور میں ضلع پلوامہ کے ترقیاتی منظر نامے میٹنگ منعقد ہوئی۔ یہ میٹنگ ڈی ڈی سی چیئرمین عبدالقیوم وانی کی سربراہی میں منعقد ہوئی ہے۔ میٹنگ میں ڈی ڈی سی اور بی ڈی سی ممبروں کے علاوہ ضلع پلوامہ کے تمام بلاک ڈیولپمنٹ افسروں نے شرکت کی۔

میٹنگ کے دوران ضلع پلوامہ کی تعمیر و ترقی کے حوالے سے اہم باتوں پر تبادلۂ خیال کیا گیا تاکہ ضلع کو ترقی کے لحاظ سے آگے لے جایا جاسکے۔

میٹنگ کے دوران ڈی ڈی سی اور بی ڈی سی ممبروں نے چیئرمین کو متعلقہ بلاکوں کے معاملات و مطالبات سے آگاہ کیا، جس پر انہوں نے بلاک ڈیولپمنٹ افسروں سے تبادلۂ خیال کیا۔

ڈی ڈی سی چیئرمین عبدالقیوم وانی نے بلاک ڈیولپمنٹ افسروں کو ہدایت دی کہ وہ ہر بلاک میں ترقیاتی کاموں میں سرعت لائیں تاکہ لوگوں کو کسی طرح کی پریشانیوں سے دوچار نہ ہونا پڑے۔