بس اسٹینڈ ترال میں بغیر ڈھکن کا ایک ہول آبادی کے لیے خطرناک ہے کیونکہ یہ مین ہول مسافروں کے لیے موت کا کنواں ثابت ہوسکتا ہے۔ تفصیلات کے مطابق روزانہ ہزاروں افراد اس مین ہول کے پاس سے ہوکر گزرتے ہیں اور کئی لوگ اس میں گر بھی جاتے ہیں لیکن مین ہول کو بند کرنے میں محکمہ آر اینڈ بی ناکام ہے۔
مقامی شہری ریاض احمد نے ای ٹی وی بھارت کو بتایا کہ نہ جانے آر اینڈ بی محکمہ نے کن وجوہات کی بنا پر اس کو نہیں ڈھکا ہے۔ یہ مین ہول عوام کے لیے وبال جان بن گیا ہے اور اب تک کئی حادثے یہاں پیش بھی آئے لیکن متعلقہ حکام خاموش تماشائی بنے ہوئے ہیں۔
یہ بھی پڑھیں: ترال: سرما کے دوران معقول بجلی سپلائی فراہم کرنے کی عوامی مانگ
ایک اور شہری بشیر احمد نے بتایا کہ یہ مین ہول ترال کی جملہ آبادی کے لیے موت کا کنواں ثابت ہورہا ہے لیکن عوام کی کسی کو فکر نہیں ہے۔ آبادی نے مطالبہ کیا ہے کہ مین ہول کو جلد از جلد بند کیا جائے۔
