لیکس اینڈ واٹر ویز ڈیولپمنٹ اتھارٹی جہاں جھیل ڈل کے آس پاس اور غیر قانونی تجاوزات ہٹانے کے لیے انہدامی کارروائی جاری رکھے ہوئے ہے، وہیں ان افراد کے خلاف بھی کارروائی عمل میں لائی جارہی ہے، جو رات کے اندھیرے میں تعیمرات مواد غیر قانونی طور سے لانے کا کام انجام دے رہے ہیں۔
اسی کارروائی کو جاری رکھتے ہوئے نو اور 10 ستمبر کی درمیانی شب لاوڈا کی انفورسمنٹ ونگ کے چینگ سکوارڈ نے ایک حیرت انگیز ناکے کے دوران غیر قانونی طور پر تعمیری مواد سے لدے ایک ٹیپر زیر رجشٹریشن نمبر jk01p_1321 کو اپنے قبضے میں لے کر نشاط پالیس کے حوالے کر دیا۔
اس سلسلے میں پولیس نے ایف آئی آر زیر نمبر 188 /ipc/92/21 کے تحت کیس درج کر لیا ہے۔ لیکس اینڈ وائر ویز ڈیولپمنٹ اتھارٹی کے وائس چیئرمین بشیر احمد بٹ کے مطابق رواں برس جنوری مہینے سے اب تک خلاف ورزی کرنے والوں کے خلاف 138 ایف آئی آر درج کیے جا چکے ہے۔ تعمیراتی مواد سے لدی پانچ گاڑیوں کو بھی ضبط کیا گیا ہے جبکہ متعدد غیر قانونی طریقے سے تعمیر شدہ ڈھانچوں کو مسمار کیا گیا ہے۔
یہ بھی پڑھیں: ڈل جھیل کے اردگرد ٹھوس بنیادوں پر انہدامی کارروائی ہوگی
وائس چیئرمین لاوڈا نے لوگوں سے اپیل کی ہے کہ وہ جھیل ڈل اور اس کے گردانواح میں غیر قانونی طریقے سے ڈھانچے تعمیر کرنے سے باز آئے۔ وہیں ان افراد کو بھی انتباہ کیا گیا ہے جوکہ مذکورہ علاقوں میں تعمیراتی مواد گاڑیوں کے ذریعے لانے اور لے جانے کا کام انجام دے رہے ہیں۔ بصورت دیگر ان کے خلاف قانون کے مطابق سخت سے سخت کارروائی عمل میں لائی جائے گی۔
