سڑک نہ بننے کے خلاف خواتین کا احتجاج

ریاست جموں و کشمیر کے ضلع پلوامہ میں پائیر ملپورہ سڑک کی حالت خستہ ہو چکی ہے جس سے لوگوں کو کافی مشکلات کا سامنا ہے۔

آج پائیر ملپورہ سے تعلق رکھنے والی خواتین نے شوپیاں پلوامہ سڑک پر ڈی سی افس کے باہر احتجاج کیا اور ٹریفک کی آمدورفت روک دی۔

احتجاجی خواتین کا کہنا تھا کہ ان کے علاقے میں ٹرانسپورٹ کا کوئی کارگر انتظام نہیں ہے۔ جس سے علاقے کے لوگوں کو کافی مشکلات کا سامنا ہے۔ یہاں ٹرانسپورٹ نہ ہونے کی وجہ سے حال میں ایک خاتون کی موت بھی ہو چکی ہے۔

احتجاجیوں کے مطابق سڑک کی حالت خستہ ہونے کی وجہ سے ڈرائیور بھی یہاں نہیں آتے ہیں۔ جس سے اسکولی بچوں کو بھی کافی مشکلات کا سامنا کرنا پڑتا ہے۔