سرینگر اور بڈگام میں موبائل اںٹرنیٹ خدمات بحال

سرینگر اور بڈگام اضلاع میں آج شام موبائل انٹرنیٹ خدمات کو بحال کر دیا گیا۔

کشمیر زون پولیس نے ضلع سرینگر اور بڈگام میں موبائل انٹرنیٹ بحال ہونے کے بارے میں ٹویٹ کیا ہے۔ ٹویٹ میں پولیس نے آئی جی پی کا حوالہ دیتے ہوئے کہا کہ آج شام تقریباً سات بجے بڈگام اور سرینگر میں بھی موبائل انٹرنیٹ خدمات کو بحال کیا جائے گا۔

ٹویٹ

پولیس نے ٹویٹ میں انٹرنیٹ کی معطلی سے طلباء کو ہونے والی پریشانی پر معذرت کا اظہار کیا۔
واضح رہے کہ کل شام کو بڈگام اور سرینگر کو چھوڑ کر وادی کے تمام اضلاع میں موبائل انٹرنیٹ خدمات کو پانچ روز بعد بحال کیا گیا تھا۔ کل ہی آئی جی پی نے یہ جانکاری دی تھی کہ سکیورٹی ریویو کے بعد ہی بڈگام اور سرینگر میں بھی موبائل انٹرنیٹ بحال کرنے کے حوالے سے فیصلہ لیا جائے گا۔

واضح رہے کہ سینیئر علیحدگی پسند رہنما سید علی شاہ گیلانی کی وفات کے بعد وادی میں احتیاطی طور پر مواصلاتی نظام کو معطل کیا گیا تھا۔ تاہم اس کے بعد آہستہ آہستہ پہلے براڈ بینڈ انٹرنیٹ اور پھر موبائل کالنگ کو بحال کیا گیا۔