کل سرینگر بین الاقوامی ہوائی اڈے سے تمام پروازوں کو معطل کیا گیا تھا۔ لیکن آج موسم میں کچھ حد تک بہتری آئی ہے۔ اور آج سرینگر ہوائی اڈے پر پروازیں بحال ہوگئی ہے۔ سری نگر ایئر پورٹ پر ایک پرواز نے محفوظ لینڈنگ کی ہے۔
سرینگر ایئرپورٹ انتظامیہ نے اس حوالے سے ٹویٹ کیا ہے۔ ٹویٹ میں انہوں نے بتایا کہ موسم میں بہتری آرہی ہے اور ایئرپورٹ پورٹ عملہ پروازوں کا سلسلہ بحال کرنے کے لیے تیار ہے۔
انہوں نے ٹویٹ کے ذریعے مسافروں کو اطلاع دی کہ ٹریفک جام سے بچنے کے لیے نارمل ٹائم پر ایئرپورٹ پہنچے۔
ایئرپورٹ ڈرائع نے ای ٹی وی بھارت کو جانکاری دیتے ہوئے کہا کہ اگر موسم بہتر رہا تو دو پہر بعد پہلی پرواز اڑان بھر سکتی ہے۔
واضح رہے کہ کل ہوئی برفباری سے وادی کشمیر میں عام زندگی کافی متاثر ہوئی۔ وہیں برفباری سے زمینی و فضائی سروس بھی معطل ہوئی تھی۔ ادھر جواہر ٹنل کے دونوں اطراف میں بھی برفباری ہوئی تھی۔ جس کے بعد جموں سرینگر قومی شاہراہ کو بھی نقل حمل کے لیے بند کیا گیا تھا۔
