گاندربل: تین منشیات فروش گرفتار

وسطی کشمیر کے ضلع گاندربل میں پولیس نے تین منشیات فروش کو گرفتارکرکے ان کے قبضے سے ممنوعہ نشیلی ادویات بھی ضبط کیا ہے۔

منشیات مخالف مہم کے دوران پولیس نے گاندربل میں تین افراد کو گرفتارکرکے ان کے قبضے سے ممنوعہ نشیلی ادویات کو ضبط کیا ہے۔

پولیس چوکی شادی پورہ کی ایک ٹیم نے شادی پورہ پل پر قائم ناکہ چیکنگ کے دوران ایک گاڑی ( JK15A-9181) ناکہ پارٹی کو دیکھ کر موقع سے بھاگنے کی کوشش کی، جس پر ناکہ پارٹی نے انہیں پکڑلیا۔

گاڑی میں تین افراد سوار تھے جن کی شناخت ہلال احمد میر ساکن مازہامہ ماگام، عرفان احمد راتھر ساکن آرژندرہامہ پٹن اور منیب احمد بیگ ساکن گنستان سمبل کے طور پر ہوئی۔ چیکنگ کے دوران پولیس نے ان کے قبضے سے کوڈین فاسفیٹ کی 45 بوتلیں برآمد کی ہیں۔

پولیس نے اس سلسلے میں ایف آئی آر( 178/2021)کے تحت ایک کیس درج کیا اور مزید تفتیش شروع کی۔