گاندربل: آسمانی بجلی گرنے سے سینکڑوں بھیڑ بکریاں ہلاک

وسطی کشمیر کے ضلع گاندربل کے بابا نگری میں گزشتہ شب آسمانی بجلی گرنے سے موقع پر ہی سینکڑوں بھیڑ بکریاں ہلاک ہوگئی ہیں۔

اطلاعات کے مطابق سرحدی ضلع راجوری سے تعلق رکھنے والے خانہ بدوش محمد یاسین بحران والد محمد یوسف بحران اور ممتاز بحران والد عبدالخالق بحران اپنے مال مویشیوں کو لے کر سندری بابا نگری میں تھے کہ اچانک آسمان سے بجلی گری اور تیز بارش کے سبب سیلابی صورتحال پیدا ہوگئی۔
متاثرہ کے مطابق تیز بارش کے سبب پورے علاقے میں پانی بھرگیا اور تودے گرے جس سے اُن کے سینکڑوں بھیڑ بکریاں ہلاک ہوگئیں۔

انہوں نے کہا کہ وہ اپنے بھیڑ بکریاں کے ساتھ سندری میں رات گزار رہے تھے کہ دوران شب آسمانی بجلی گرنے سے ان کے سینکڑوں بھیڑے ہلاک ہوگئیں۔ انہوں نے کہا کہ اس دوران وہ دونوں بھی بےہوش ہوگئے تھے، جنہیں مقامی لوگوں کی مدد سے ٹراما ہسپتال کنگن پہنچایا گیا، جہاں اُن کا علاج و معالجہ جاری ہے۔واضح رہے کے ہر برس موسم گرما میں خانہ بدوش لوگ پہاڑی علاقوں کا رخ کر تے ہیں اور کئی مہینے ان پہاڑیوں پر گزارتے ہیں تاہم امسال یہ جلد ہی واپس بھی اگئے تھے۔

ذرائع سے معلوم ہوا ہے کہ 300 کے قریب بھیڑ بکریاں اس حادثے میں ہلاک ہوئی ہیں جس میں کچھ مقامی لوگوں کی بھیڑیں بھی شامل ہیں۔