سب ڈویژنل انتظامیہ کنگن نے 11جون کو کنگن اور صحت افزا مقام سونہ مرگ آنے والے سیاحوں سے کہا تھا کہ وہ اپنی حفاظت کے لیے نالہ سندھ میں نہانے، تیرنے اور نالہ کے نزدیک سیلفی لینے سے گریز کریں جبکہ قریبی علاقوں میں رہنے والے لوگوں سے احتیاطی تدابیر اختیار کرنے کے لیے ایک ایڈ وائزری بھی جاری کی تھی۔
مقامی لوگوں کا کہنا ہے کہ کنگن اور سونہ مرگ آنے والے سیاح سرکاری احکامات پر عمل نہیں کرتے۔
سونہ مرگ میں ہفتہ کے آخری دو روز مقامی سیاحوں کا کافی رش رہتا ہے اور وہ نالہ سندھ کے کناروں پر سیلفی لیتے ہیں۔ اس کی وجہ سے ایسے حادثات کا خدشہ لاحق رہتا ہے۔
مزید پڑھیں:
انہوں نے ایس ایس پی گاندربل اور ایس ڈی ایم کنگن سے مطالبہ کیا کہ نالہ سندھ کی طرف جانے والے افراد کے خلاف کارروائی کی جائے۔ خاص طور پر سنیچروار اور اتوار کو ان سیاحتی مقامات پر پولیس اہلکاروں کو تعینات کیا جائے تاکہ کوئی ناخوشگوار واقع پیش نہ آئے۔
