بڈگام: سرچ آپریشن میں فائرنگ، مقامی شخص زخمی

وسطی کشمیر کے ضلع بڈگام کے لسی پورہ کھگ میں نامعلوم عسکریت پسندوں کی جانب سے سکیورٹی فورسز پر فائرنگ میں ایک عام شہری زخمی ہوا ہے۔

اطلاع کے مطابق بڈگام کے لسی پورہ کھاگ علاقے میں سکیورٹی فورسز نے بڑے پیمانے پر سرچ آپریشن شروع کیا ہے۔ تاہم عسکریت پسندوں نے سکیورٹی فورسز پر فائرنگ کی جس میں ایک شخص زخمی ہوا ہے۔

زخمی شخص کی شناخت بلال احمد راتھر کے طور پر کی گئی ہے۔ ان کے ٹانگ میں چوٹ آئی ہے۔ زخمی شخص کی حالت اب مستحکم ہے۔

ہم آپ کو بتا دیں وسطی کشمیر کے ضلع بڈگام کے لچھم پورہ، درنگ اور کئی اور دیہاتوں کو سکیورٹی فورسز نے اپنے محاصرے میں لے لیا ہے اور بڑے پیمانے پر سرچ آپریشن شروع کردیا گیا ہے۔ ذرائع کے مطابق لچھم پورہ کھاگ علاقے میں کچھ گولیوں کی آواز بھی سنائی دی گئی۔

ذرائع سے معلوم ہوا ہے کہ علاقے میں کچھ عسکریت پسند چھپے ہونے کی اطلاع ہے۔ جموں و کشمیر پولیس،ایس او جی اور 62 آر آر نے ان علاقوں کو محاصرے میں لیا ہے۔

اطلاع کے مطابق ان علاقوں کے تمام داخلی و خارجی راستوں کو سیل کردیا گیا ہے اور سکیورٹی فورسز کی تعیناتی عمل میں لائی گئی ہے۔