گاندربل: 34 آسام رائفلز نے گاندربل کی نندکول جھیل Nundkol Lake in Ganderbal سے ایک بیمار ٹریکر کو بحفاظت ہسپتال پہنچا کر اس کی جان بچائی۔ جمعرات کو فوج کی 34 آسام رائفلز نے وسطی کشمیر کے گاندربل ضلع میں نندکول جھیل کے قریب ایک ٹریکر کی طبیعت بگڑ گئی تھی جس کے بعد 34 آسام رائفلز کی ٹیم نے اسے طبی امداد فراہم کی۔
ذرائع نے بتایا کہ ایک گروپ 12 ہزار فٹ بلندی پر واقع نندکول جھیل پر ٹریکنگ کرنے گیا تھا جہاں ایک ٹریکر کی طبیعت بگڑ گئی، اس کے بعد گروپ کے دیگر افراد نے فوری طور پر فوج کو اطلاع دی۔ اطلاع ملنے کے بعد آسام رائفلز کے قریبی کیمپ نے فوری طور پر ایک ٹیم کو موقع پر روانہ کیا اور بیمار ٹریکر کو ابتدائی طبی امداد اور آکسیجن فراہم کی۔
ان کا کہنا تھا کہ اسے بحفاظت ٹرنکھل کے فاریسٹ گیسٹ ہاؤس میں پہنچایا گیا اور انہیں ابتدائی طبی امداد دینے کے بعد انتہائی احتیاط کے ساتھ اندھیرے کے اوقات میں دشوار گزار علاقے اور خراب موسم سے نکال کر ناراناگ کنگن میں سول انتظامیہ کے میڈیکل آفیسر کے حوالے کر دیا گیا۔ بعد میں مریض کو اسکمز صورہ ہسپتال لے جایا گیا اور اب اس کی حالت مستحکم ہے۔ مقامی لوگوں خاص کر ٹریکر کے ساتھیوں نے فوج کی اس انسان دوستی کے لیے ان کا شکریہ کیا ہے۔
