'علما سی اے اےکے خلاف قانونی لڑائی لڑیں'

ریاست کرناٹک کے شیموگہ ضلع میں واقع انڈگی دیہات کے غریب نواز ٹرسٹ کے صدر مولانا سید تحسین ہاشمی نے کہا کہ شہریت ترمیمی قانون مذہب کو بنیاد بناکر بنایا گیا ہے اور پھر اسے این آر سی سے جوڑ دیا گیا ہے۔ یہ قانون ناقابل قبول ہے۔

سید تحسین ہاشمی نے کہا کہ ملک میں جب سے بی جے پی کی حکومت بنی ہے تب سے مسلمانوں کو نشانہ بنایا جارہا ہے، انھوں نے کہا کہ ملک بھر کے تمام علما کرام کو اپنے آپسی اختلاف سے بالاتر ہوکر ایک پلاٹ فارم پر جمع ہونے اور اس کے خلاف احتجاج اور قانونی لڑائی جاری رکھنے کی ضرورت ہے۔

انھوں نے کہا کہ بھارت سیکولر ملک ہے۔ یہاں ہر مذہب کے ماننے والے بھائی چارے کے ساتھ زندگی گزارتے آرہے ہیں۔ اور اس بھائی چارے کو قائم رکھنا ہر بھارتی کی ذمہ داری ہے۔