ریاست اترپردیش کے ضلع سہارنپور کے قصبہ دیوبند میں واقع عالمی شہرت یافتہ ادارے دارالعلوم دیوبند، وقف دارالعلوم سمیت دیگر دینی اداروں میں یوم جمہوریہ کے موقع پر جھنڈا پھہرایا گیا اس موقع پر علماء کرام نے کہا کہ ہمارے اکابرین نے اس ملک کو آزاد کرانے کے لیے جو قرنیاں دی ہیں انہیں ہمیشہ یاد رکھنے کی ضرورت ہے اور ان کے نقش قدم پر چل کر ہی اس ملک میں امن و امان، بھائی چارہ، جذبہ اخوت، آپسی رواداری و باہمی ہمدردی کے پیغام کو عملی طور پر عام کرنے کی کوششیں جاری رکھنی ہوں گی۔
انہوں نے کہا کہ آج یوم جمہوریہ کا 72 واں جشن ہے، اس سے پورے ملک میں امن بھائی چارے کا پیغام جاتا ہے۔
علماء کرام نے ملک کی عوام سے بزرگوں کے نقشہ قدم پر چلنےاور ان کی تعلیمات کو اپنی زندگی اتار نے کی اپیل کی۔
واضح رہے کہ ملک بھر میں آج 72 ویں یوم جمہوریہ کا جشن منایا جارہا ہے اور راج پتھ پر پوری دنیا کے سامنے بھارت اپنی فوجی طاقت کا مظاہرہ کر رہا ہے جبکہ یہاں کی تہذیب و تمدن کی عکاسی جھانکیوں کے ذریعہ کرائی جا رہی ہے۔
