روہتاس ضلع کے دنارا برکھنڈ سے تعلق رکھنے والے ہمانشو کے یہاں آج خوشی کا ماحول ہے۔ کیوں کہ انہوں نے بہار بورڈ میں 481 (96.20 فیصد) نمبرات حاصل کیے ہیں۔ ہر کوئی ہمانشو کو مبارک باد دینے ان کے لیے گھر پہنچ رہا ہے۔ ایک غریب کسان کا بیٹا ہمانشو آج بے حد خوش ہے۔ اس کے والد سوبھاش جو ایک چھوٹے کسان اور پرائویٹ استاد بھی ہیں، آج وہ اپنے بیٹے کی اس کامیابی پر فخر محسوس کر رہے ہیں۔
ہماشو کا کہنا ہے کہ وہ سافن ویئر انجینئر بننا چاہتے ہیں۔ ہمانشو نے بتایا کہ وہ اس کے وہ 15 سے 16 گھنٹے پڑھائی کرتے تھے۔ ہماشو بتاتے ہیں کہ پڑھائی کے لیے ممی پاپا، بھائی بہن اور آس-پڑوس والے سبھی لوگ میری حوصلہ آفضائی کرتے تھے۔
بیٹے کی اس کامیابی پر سبھاش کہتے ہیں کہ بیٹے نے ریاست بھر میں نام کیا ہے۔ مستقبل کی فکر کرتے ہوئے سبھاش کہتے ہیں کہ میٹرک تک کسی طرح میں نے اپنے بیٹے کو پڑھایا۔ اس میں معاشی حالت خراب ہونے والی کوئی بات نہیں رہتی۔ لیکن آگے چل کر ہائی اجوکیشن میں دقت ہو سکتی ہے۔ اس کے لیے میں اپنی طرف سے پوری کوشش کروں گا کہ بیٹے کو خوب پڑھاؤں۔
سبھاش نے حکومت سے مطالبہ کیا ہے کہ حکومت ان کے بیٹے کے لیے نہیں بلکہ ریاست بھر میں جہاں بھی اس طرح کے قابل بچے ہوں ان کی مدد کی جائے، تاکہ ان کا مستقبل اچھا ہو۔
اسٹیٹ ٹاپر ہمانشو راج کی کامیابی کے بعد کئی افسر اسے انعام سے نوازنے اس کے گھر پہنچے ہیں۔
