اراکین پارلیمنٹ اور اسمبلی کے سنگین معاملوں کی سماعت کے لیے پٹنہ میں تشکیل خصوصی عدالت کے جج اور ایڈیشنل ضلع اور سیشن جج ششی دھر وشو کرما کی عدالت نے دونوں معاملوں میں پیشی کا وارنٹ جاری کرتے ہوئے رکن اسمبلی سنگھ کی حاضری کے لیے 29 نومبر 2019 آئند ہ کی تاریخ مقرر کی ہے۔
عدالت نے جیل سپرنٹنڈنٹ کے نام پیشی وارنٹ جاری کرنے کا حکم دیا ہے۔
سنگھ کے خلاف پہلا معاملہ سنہ 2004 کا ہے۔
تفصیلات کے مطابق پٹنہ ضلع کے باڑھ تھانہ صدر کی خفیہ اطلاع کی بنیاد پر چھاپے ماری کر کے ممنوعہ اسلحہ اور کارتوس برآمد کرنے کا دعویٰ کیا تھا، اس معاملے میں رکن اسمبلی اننت سنگھ سمیت پانچ لوگوں کے خلاف سماعت چل رہی تھی۔
وہیں دوسرا معاملہ سنہ 2005 میں پٹنہ کے سکریٹریٹ تھانہ میں درج کیا گیا تھا۔
اننت سنگھ کی رہائش گاہ سے پولیس نے ممنوعہ رائفل کی میگزین اور غیر ملکی بلٹ پروف جیکٹ برآمد کئے جانے کا دعویٰ کیا تھا۔
دوسری جانب اراکین پارلیمنٹ اور اسمبلی کے معاملوں کی سماعت کر رہی ایڈیشنل چیف جوڈیشیل مجسٹریٹ کی خصوصی عدالت میں رکن اسمبلی سنگھ کی جانب سے ایک معاملے میں ضمانت عرضی داخل کی گئی جس میں سماعت سولہ نومبر 2019 کو ہوگی۔
معاملہ ممنوعہ اسلحہ کی برآمدگی، دھمکی اور مارپیٹ کا ہے۔
اس سے متعلق میں پنڈارک تھانے میں پندرہ جولائی 2019 کو ایک ایک ایف آئی آر درج کی گئی تھی۔
