ریاست بہار میں کووڈ 19 سے متاثرہ افراد کی تعداد میں مسلسل اضافہ ہورہا ہے، بدھ کو کورونا وائرس کے 130 سے زائد نئے کیسز سامنے آنے کے بعد ریاست میں متاثرہ افراد کی تعداد 1657 ہوگئی ہے۔
بہار محکمہ صحت کے مطابق بدھ کے روز 138 افراد میں کورونا کی تشخیص ہوئی ہے، جن میں سے 26 معاملے مشرقی چمپارن میں پائے گئے ہیں، بھاگلپور اور کھگڑیہ میں 14ـ14 کیسز سامنے آئے ہیں۔
آپ کو بتا دیں کہ ریاست میں کورونا وائرس کی وجہ سے نو افراد کی موت ہو چکی ہے، وہیں دارالحکومت پٹنہ میں کو وائرس کے سب سے زیادہ 167 کیسز ہیں، جبکہ مونگیر میں کورونا متاثرین کی تعداد 133 ہے، وہیں ریاست میں اب تک 53 ہزار 175 مشتبہ افراد کے نمونوں کی جانچ کی جا چکی ہے، اس بیماری سے اب تک 548 مریض صحتیاب بھی ہو چکے ہیں۔
دریں اثنا ریاست کے محکمہ صحت کے پرنسپل سیکریٹری سنجے کمار کو منتقل کر دیا گیا ہے، ان کی جگہ اودئے سنگھ کماوت کو محکمہ صحت کا پرنسپل سکریٹری مقرر کر دیا گیا ہے، سنجے کمار کو محکمہ سیاحت کی ذمہ داری سونپی گئی ہے۔
