بہار میں کرونا متاثرین کی تعداد 403 ہوئی

ریاست بہارمیں کورونا وائرس کے مریضوں کی تعداد 403 تک جا پہنچی ہے جبکہ اس سے دو افراد ہلاک ہوچکے ہیں، وہیں 64 افراد صحتیاب بھی ہو ئے ہیں۔

بہار کے دارالحکومت پٹنہ میں کورونا کے تین نئے کیسز سامنے آئے ہیں، موصول اطلاعات کے مطابق آئی جی ایم ایس کی ایک نرس، خاتون صفائی ملازم کے علاوہ یہاں زیر علاج ایک خاتون کورونا مثبت پائی گئی ہیں۔

ضلع مونگیر ریاست کا سب سے متاثر ضلع ہے، یہاں کورونا کے سب سے زیادہ مریض ہیں، مونگیر میں کورونا کے مریضوں کی مجموعی تعداد 92 تک جا پہنچی ہے، جبکہ پٹنہ میں کورونا کے کل 42 کیسز درج کیے گئے ہیں، اسی طرح ضلع بکسر میں 40، نالندہ میں 35، روہتاس میں 34 اور سیوان میں 30 معاملے سامنے آچکے ہیں۔