ریاست بہار کے ضلع سیوان میں کورونا وائرس متاثرین کی تعداد میں کافی اضافہ ہوا ہے۔ صبح 9 سے 11 کے درمیان تقریبا 11 مثبت کیسز ملے ہیں۔ جن میں 9 افراد سیوان کے ایک ہی خاندان کے ہیں۔
بتایا جا رہا ہے کہ اس گھر میں ایک شخص عمان سے آیا تھا۔ پہلے نمونے کی جانچ میں اس شخص کے ساتھ ساتھ گھر کے مزید چار لوگوں کی رپورٹ مثبت آئی ہے۔
گزشتہ روز سیوان کے چار نوجوانوں کو ہسپتال انتظامیہ نے ایمبولینس سے ان کے گھر بھجوایا تھا جبکہ خیمنی چک باشندہ سرون کو ہسپتال کے ملازم اپنے ساتھ گھر لے گئے۔
این ایم سی ایچ کے ڈاکٹر نرمل کمار سنہا کے مطابق ان مریضوں کی رپورٹ دوبار منفی آنے کے بعد انہیں چودہ دنوں کے لیے قرنطینہ میں رہنے کا مشورہ دیا گیا ہے۔
دوسری طرف ضلع بیگوسرائے میں بھی دو نئے مثبت معاملے ملے ہیں جن میں دو نوں متاثرین کی عمر18 برس ہے۔
واضح رہے کہ کورونا وائرس متاثرین کی کل تعداد بھارت میں اب تک 6412 ہوچکی ہے جبکہ اس وبا سے ہلاک ہونے والوں کی تعداد 199 ہے۔
وہیں ریاست بہار میں 39 لوگ اس وائرس سے متاثر ہیں جبکہ اب تک اس وبا سے بہار میں ایک شخص کی موت ہوئی ہے۔
