پٹنہ میں کورونا کے 12 غیر ملکی مشتبہ مریض

بہار کے دار الحکومت پٹنہ کے دیگھا تھانہ علاقہ میں بیرون ملک سے آئے کورونا وائرس کے 12 مشتبہ مریضوں کے ملنے کا معاملہ سامنے آیا ہے ۔

پولیس ذرائع نے بتایا کہ مقامی لوگوں سے اطلاع ملی کہ کرجی محلے میں 12 غیر ملکی شہریوں کو دیکھا گیا ہے، ساتھ ان کے کورونا وائرس سے متاثر ہونے کا اندیشہ ہے ۔
ذرائع نے بتایاکہ اطلاع ملتے ہی موقع پر پہنچی پولیس نے 12 غیر ملکی باشندوں کو حراست میں لے لیا اور اس کے بعد انہیں میڈیکل جانچ کیلئے پٹنہ کے آل انڈیا انسٹی چیوٹ آف میڈیکل سائنس ( ایمس ) میں بھیج دیا گیا ہے۔
جانچ کیلئے بھیجے گئے مشتبہ اٹلی اور ایران کے باشندے بتائے جاتے ہیں۔ حالانکہ یہ غیر ملکی پٹنہ کیسے پہنچے اور کس نے انہیں چھپا کر رکھا اس کا ابھی تک پتہ نہیں چل پایا ہے۔ پولیس معاملے کی تفتیش کر رہی ہے۔