'ملک ایک قابل رہنما سے محروم ہو گیا'

کانگریس کمیٹی نوئیڈا کے دفتر میں آج ایک تعزیتی میٹنگ منعقد کی گئی جس میں کانگریس پارٹی کے سینئر رہنما احمد پٹیل کو خراج تحسین پیش کیا گیا۔

ریاست اترپردیش کے ضلع نوئیڈا میں کانگریس پارٹی کے سینئر رہنما آنجہانی احمد پٹیل کو خراج تحسین پیش کیا گیا۔

اس موقع پر نوئیڈا کانگریس پارٹی کے شہری صدر شہاب الدین نے کہا کہ' احمد پٹیل ہمیشہ کانگریس پارٹی اور ملک کے لئے کام کرتے رہے۔وہ ایک مہذب اور ہمدرد انسان تھے، جب بھی ملک اور کانگریس پارٹی کسی بحران میں پڑی، ان کے بہترین مشورے سے اسے کامیابی ملی۔

انہوں نے کہاکہ' یقیناً ملک ایک قابل رہنما سے محروم ہو گیا جس کی تلافی انتہائی مشکل ہے۔

نائب صدر پرومود شرما نے کہا کہ آنجہانی احمد پٹیل برسوں سے کانگریس صدر محترمہ سونیا گاندھی کے سیاسی مشیر رہے ہیں اور کورونا دور میں بھی انہوں نے پارٹی اور ملک کے لئے کام کیا۔

خراج تحسین پیش کئے جانے کے وقت کانگریس پارٹی کے شہری صدر شہاب الدین، ​​پی سی سی ممبران پرمود شرما، مفتی خلیل، بلاک صدر سبھاش مشرا، پرویز، راجیش، سنجے، دیپک، سونو، مونیکا دیوی، گیتا، سشیلا، وملا وغیرہ موجود تھے