ان کے قبضے سے 1 لاکھ 18 ہزار روپے مالیت کا سامان برآمد کیا گیا۔ڈی سی پی گریٹر نوئیڈا ابھیشک نے بتایا کہ 19 جولائی کو کوتوالی کاسنہ میں واقع کمل سنگھ بھاٹی کے موبائل شاپ کا شٹر کاٹ کر چوروں نے مہنگے اسمارٹ فونز اور موبائل کے آلات چوری کئے۔
تفتیش کے دوران پولیس نے ملزم روی کانت ، چندن ، پرمود مہتو ، وکاس یادو اور جئے پرکاش کمار کو گرفتار کیا۔
تمام ملزمان بہار کے رہائشی ہیں۔ پولیس نے ملزمان سے 101 چوری شدہ اسمارٹ فونز ، بڑی تعداد میں موبائل آلات اور شٹر کاٹنے والی اشیاء اور دیگر سامان برآمد کیا ہے۔
ڈی سی پی نے بتایا کہ برآمد شدہ اشیاء کی مالیت تقریباً 16 لاکھ 50 ہزار روپے ہے۔ پولیس ملزمان سے تفتیش کر رہی ہے اور چوری کے دیگر واقعات کے بارے میں معلومات حاصل کررہی ہے۔
ڈی سی پی ابھیشیک نے بتایا کہ ملزمان گریٹر نوئیڈا کے سورج پور میں رہتے تھے۔ وہ دن میں مزدور کے طور پر کام کرتے تھے اور رات کو چوری کرتے تھے۔
بہار میں ملزمین کے خلاف دوکان کا شٹر کاٹ کر چوری کرنے اور اے ٹی ایم کاٹ کر چوری جیسی واردات کے دو مقدمات درج ہیں۔
معلومات کے مطابق اس گروہ کا سربراہ روی کانت ہے۔ اس نے چوری شدہ موبائل جئے پرکاش کمار کو فروخت کیا تھا۔
مزید پڑھیں:موبائیل چوری کرنے والا شاطر چور گرفتار
تفتیش کے دوران پولیس نے جے پرکاش کو گرفتار کیا جو چوری شدہ موبائل استعمال کررہا تھا تفتیش کے بعد چوروں کو گرفتار کرلیا گیا۔ پولیس نے بتایا کہ ملزم وشال کا ساتھی تاحال مفرور ہے جس کی تلاش جاری ہے۔
