نوئیڈا: نوئیڈا کے سیکٹر 108 میں واقع پولیس کمشنر کے دفتر میں جائزہ اجلاس میں اسٹریٹ کرائم کا مسئلہ غالب رہا۔ پولیس کمشنر آلوک سنگھ نے گریٹر نوئیڈا اور سینٹرل زون میں لوٹ مار کے واقعات پر افسران کی سخت سرزنش کی۔ انہوں نے عہدیداروں کو بتایا کہ کچھ دنوں سے اسٹریٹ کرائم بڑھ رہا ہے۔ اس کو روکنے کے لیے خصوصی کام زون میں نہیں بلکہ تھانے کی سطح پر کرنے کی ضرورت ہے۔ مجرموں کو جیل کا راستہ دکھائیں ورنہ افسران کمشنریٹ سے باہر جانے کے لیے تیار رہیں۔
مزید پڑھیں: نوئیڈا: ’ہر بوتھ پر یوتھ اور جن من وجے‘ مہم کا انعقاد
آشیش کے ابّا جان کومودی کابینہ سے کیوں نہیں ہٹایا جارہا ہے: اویسی
کمشنر آف پولیس نے تینوں زونوں کے ڈی سی پیز کو ہدایتت دی کہ دور دراز اضلاع کے شرپسند نوئیڈا گریٹر نوئیڈا میں جرم کرنے کے بعد فرار ہو جاتے ہیں، لہٰذا غازی آباد ، بلندشہر ، پلول اور دہلی وغیرہ کی سرحدوں پر ڈی سی پی کی سطح پر فورس تعینات کی جائے۔ کمشنریٹ سے متصل ایڈیشنل کمشنر آف پولیس لاء اینڈ آرڈر لو کمار ، ایڈیشنل کمشنر آف پولیس پشپنجلی، ڈی سی پی راجیش ایس، ڈی سی پی ہریش چندر، ڈی سی پی ابھیشیک اور اے ڈی سی پی اور اے سی پی میٹنگ میں موجود تھے۔
