نوئیڈا: کورونا کے سبب ضلع اسپتال سیل

نوئیڈا کے ضلع اسپتال کے زچگی محکمہ میں کام کرنی والی خاتون میں کورونا مثبت پائے جانے کے بعد اسپتال کو سیل کردیا گیا ہے۔

ریاست اترپردیش کے ضلع نوئیڈا میں سیکٹر 30 کے ضلع اسپتال میں زچگی محکمہ کی خاتون ملازمہ میں کورونا مثبت کی تصدیق کی گئی۔

کورونا کی تصدیق کے بعد ضلعی انتظامیہ نے ضلعی اسپتال کو سیل کرنا شروع کردیا ہے۔ اس کے ساتھ ہی صفائی ستھرائی کا کام بھی شروع کردیا گیا ہے اور ضلعی اسپتال جانے والے تمام راستوں پر پولیس فورس کی بڑی تعداد تعینات کردی گئی ہے۔

کورونا متأثرہ خاتون نوئیڈا کے سیکٹر 31 کے نیٹھاری گاؤں میں رہتی ہے، جس کے سبب ضلعی انتظامیہ نے نیٹھاری گاؤں میں بھی فلیگ مارچ کیا ہے اور گاؤں کو بھی سیل کرنے کی کارروائی شروع کردی ہے۔