کیندریہ ودیالیہ میں یکم اپریل سے داخلہ فارم بھرے جائیں گے۔ اس بار کلاس ون کے فارم آن لائن بھرے جائیں گے۔ اس کے لئے اسکول کی جانب سے ایک ایپ بھی جاری کی گئی ہے۔ جسے گوگل پلے اسٹور سے ڈاؤن لوڈ کیا جاسکتا ہے اور اس کے ذریعہ فارم پُر کیا جاسکتا ہے۔
یکم اپریل سے کلاس ون کے فارم جاری کیے جارہے ہیں۔ دلچسپی رکھنے والے والدین Kvsonlineadmission.Kvs.Gov.In پر درخواست بھر سکتے ہیں۔ اس کے علاوہ دیگر کلاسوں میں داخلہ فارم کی تاریخ بھی جاری کردی گئی ہے۔ اسی کے ساتھ ہی، دسویں بورڈ کے امتحانات کے نتائج کے دس دن کے اندر گیارہویں میں داخلے کی تاریخ جاری کردی جائے گی۔
* رجسٹریشن کی تاریخ
کلاس اول (آن لائن) یکم اپریل تا 19 اپریل۔
پہلی فہرست۔ 23 اپریل کو جاری کی جائے گی۔
دوسری فہرست - 30 اپریل کو اور تیسری فہرست - 5 مئی کو جاری کی جائے گی۔
حق تعلیم کے تحت نامزدگی کے لئے درخواست۔ 15 مئی سے 20 مئی تک
کلاس سیکنڈ و دیگر کلاسز کی رجسٹریشن (آف لائن)۔ 8 اپریل سے 15 اپریل تک
کلاس سیکنڈ اور مزید کلاسوں کیلئے 19 اپریل کو لسٹ جاری ہوگی۔
کلاس سیکنڈ اور اس کے بعد داخلہ - 20 سے 27 اپریل تک۔
کلاس تھرڈ سے نویں تک داخلے کی آخری تاریخ ۔31 مئی تجویز کی گئی ہے۔
