پولیس تھانہ انچارج مکیش کمار سولنکی اور ان کی ٹیم کے ذریعہ مخبر کی اطلاع پر میرا پور روڈ رام نگر تراہا کے قریب جھاڑیوں سے گھرے ہوئے پلاٹ پر چھاپہ مارا گیا اور غیر قانونی طور پر اسلحہ بناتے ہوئے ایک شخص کو گرفتار کیا گیا۔
گرفتار ملزم کا نام راجویر ولد بھور سنگھ ساکن رام نگر تھانہ کھتولی ضلع مظفر نگر ہے۔ جن سے کھتولی پولیس نے بھاری مقدار میں غیر قانونی اسلحہ برآمد کیا ہے، جس میں 5 عدد رائفل دیسی 315 بور ، 2 عدد بندوق دیسی 12 بور ، 2 پوونیا 12 بور ، 7 عدد تمنچے 12 بور ، 5 آدھے بنے ہوئے تمنچے 315 بور ، 2 آدھے بنے تمنچے 12 بور ، 6 آدھے بنے بیرل 315 بور ، 10 زندہ کارتوس 12 بور ، 3 زندہ کارتوس 315 بور ، لائٹ کے لئے 2 چینی بیٹری، 1 چھوٹا پنکھا ، 1 خالی پینٹ باکس اور اسلحہ بنانے کا غیر قانونی سامان بھی برآمد کیا گیا ہے۔
گرفتار ملزم پہلے بھی کئی بار جیل جا چکا ہے، ملزم سے پوچھ گچھ کی جارہی ہے اور یہ بھی پتہ لگایا جا رہا ہے کہ وہ یہ ہتھیار سپلائی کہاں کرتا ہے۔ پوچھ گچھ کے بعد ملزم کو جیل بھیج دیا گیا ہے۔
