ریاست اُتر پردیش کے ضلع مظفر نگر کے گیئور محل میں آج ایک پروگرام کا انعقاد کیا گیا۔
اس موقع پر اردو کے مضامین میں اعلی پوزیشن حاصل کرنے والے ہونہار طلبہ طلباء ، اردو ادب ، شاعروں اور اردو اساتذہ کو اعزاز سے نوازا بھی گیا۔
جامعہ ملیہ اسلامیہ یونیورسٹی کے پروفیسر جنید حارث ، ڈائیٹ وائس پرنسپل محمد الطاف ، ڈسٹرکٹ پروبیشن آفیسر محمد مشفقین کو علامہ اقبال ایوارڈ سے نوازا گیا ،ساویر خان ، راؤ عبدالستار ، رئیس الدین رانا ، عامر نیٹووری ، ڈاکٹر عقیل ملک ، ڈاکٹر نوشاد ، الطاف الرحمن اور جاوید خان کو شعبہ تعلیم میں نمایاں خدمات پر بابائے اردو مولوی عبد الحق ایوارڈ سے نوازا گیا .
اردو اساتذہ ، مولانا آزاد ایوارڈ اور شاعروں کو ڈاکٹر راحت اندوری ایوارڈ سے نوازا گیا۔
پروفیسر جنید حارث نے اپنے خطاب میں کہا کہ علامہ اقبال ہندوستان کے عظیم شائر تھے۔
علامہ اقبال کی سالگرہ کے موقع پر یوم اردو نہ صرف ہندوستان بلکہ پوری دنیا میں منایا جاتا ہے۔
انہوں نے کہا کہ علامہ اقبال کو حقیقی خراج تحسین اس وقت ادا کیا جاسکتا ہے جب ہم اردو اپنائیں اور دوسروں کو بھی اردو سیکھنے کی ترغیب دیں۔
انہوں نے مظفر نگر کی دونوں تنظیموں کو اردو کی ترقی میں نمایاں کردار ادا کرنے پر مبارکباد پیش کی۔
محمد الطاف نے کہا کہ اردو ہندوستان کی گنگا جمونی تہجیف کی زبان ہے ، اردو بہت پیاری زبان ہے؛ اس زبان نے فرقہ وارانہ ہم آہنگی کو فروغ دیا۔
انہوں نے تمام اردو اساتذہ کو اردو زبان میں عمدہ خدمات پر مبارک باد پیش کی اور اردو میں اچھی نمبر حاصل کرنے پر طلبہ کو مبارکباد پیش کی۔
اس موقع پر ضلعی پروبیشن کے افسر محمد مشفقین نے یوم اردو کی مبارکباد دیتے ہوئے کہا کہ اردو ایک ایسی زبان ہے جو پورے ہندوستان میں بولی اور سمجھی جاتی ہے ، پوری دنیا میں اردو کے چاہنے والے موجود ہیں۔
انہوں نے کہا کہ اردو اترپردیش کی دوسری سرکاری زبان ہے اور ہر سرکاری محکمے میں اردو مترجم موجود ہیں ، لہذا زبان کی ترقی کے لئے اردو بولنے والوں کو اپنی زبان اردو میں پیش کرنا چاہئے۔
اردو ٹیچر ویلفیئر ایسوسی ایشن کے ریاستی کنوینر ، محمد صابر خان نے کہا کہ کم از کم کونسل اسکولوں میں 20،000 اردو اساتذہ کی تقرری ہو۔
راؤ عبدالستار اور ڈاکٹر عقیل ملک نے کہا کہ اردو اساتذہ کو اسی طرح تربیت دی جانی چاہئے۔
الطاف الرحمن اوم۔ اور عامر نیٹوری نے اردو اساتذہ سے اپیل کی کہ وہ ریڈ ایک لانگ اور دیکشا ایپ پر اردو زبان کا استعمال کریں اور انہوں نے کہا کہ اپنی تحریر میں اردو لی پی کے استعمال پر زور دیں۔
اردو مترجم ریاستی ملازمین یونین کے ریاستی نائب صدر تحسین علی نے کہا محکموں میں دوسری سرکاری زبان اردو کا استعمال یقینی بنائیں تاکہ آنے والے وقت میں ہم اردو مترجموں کا تقرر کریں ۔
مزید پڑھیں:مرزاپور: جاپان کے قالین میلے میں سیلف ہلیف گروپ کی شرکت متوقع
انہوں نے اردو سے محبت کرنے والوں سے اپنے نام کے دستخط اردو میں کرنے کی تاکید کی۔
اردو ٹیچر ویلفیئر ایسوسی ایشن کے ضلعی جنرل سکریٹری ، شہزاد علی نے ادارہ کا تعارف کرایا ، ضلعی صدر شرافت علی نے تمام آنے والے اساتذہ ، اردو محبت کرنے والوں اور خصوصا پریس برادران کا شکریہ ادا کیا۔
انہوں نے ایسوسی ایشن کے عہدیداروں اور کارکنوں کو ایک تعریفی اور تحفہ دے کر ان کا اعزاز دیا اور پروگرام کو کامیاب بنانے پر تمام کارکنوں کا شکریہ ادا کیا۔
