اترپردیش کے ضلع مظفر نگر کے کلکٹریٹ میں یوکرین سے لوٹے طلباء کے والدین نے طلباء کے تابناک مستقبل کے لئے وزیر اعظم سے اپیل کی ہے ۔ ای ٹی وی بھارت بات چیت میں سرپرستوں نے کہا کہ طلبا یوکرین کے کالجز میں ایم بی بی ایس اور دیگر کورس کی تعلیم حاصل کرہے تھے۔تاہم یوکرین اور روس کے درمیان جاری جنگ کے حالات نامساعد ہوگئے۔اور طلبا پریشانی کے عالم چند دنوں تک وہاں رہنے پر مجبور تھے۔
Education of Students Returned to India from Ukraine Stuck
اس کے بعد بھارتی حکومت کی جانب سے چلائے گئے آپریشن گنگا کے تحت بھارتی شہریوں اور طلبا کو وہاں سے نکالا گیا۔جس کے لئے ہم حکومت کے شکر گزار ہیں۔
انہوں نے مزید کہا کہ ہم وزیر اعظم نریندر مودی سے یہ مطالبہ کرتے ہیں کہ جس طرح مشن گنگا کے تحت طلباکے زندگی کو بچانے کے لئے اقدام اٹھائے گئے اسی طرح طلبا کے روشن مستقبل کے لئے بھارت میں ہی تعلیم کا بھی نظم کیا جائے۔
مزید پڑھیں:یوکرین میں ایم بی بی ایس آخری سال کے طلبا کو امتحان کے بغیر ڈگری ملے گی
اس موقع پر سرپرستوں نے ضلع انتظامیہ کو وزیر اعظم نریندر مودی کے نام ایک میمو رنڈم بھی پیش کیا۔
