ممبئی: حجرییہ اسٹریٹ میں واقع مسجد میں بارش کا پانی داخل

مسجد سے متصل پلاٹ پر تعمیراتی کام کے سبب سڑک کا پانی مسجد کے حوض میں داخل ہو جا رہا ہے۔ مسجد کے ذمہ داروں نے بی ایم سی سے کئی بار شکایت بھی کی لیکن کوئی حل نہیں نکل سکا۔

مسجد کے ذمہ داروں نے کئی بار حوض کی صفائی کی لیکن مسئلہ جوں کا توں برقرار ہے چونکہ لاک ڈاؤن کے سبب مسجد میں قفل لگا ہے۔ کووڈ قوانین کے مطابق نماز ادا کی جارہی ہے۔ اب ایسے میں اگر مذہبی مقامات کو لیکر پابندی میں راحت ملی تو وضو کے لئے نمازیوں کو دقت ہوگی۔

مسجد زمہ دارن اس بات کو لیکر فکرمند ہیں۔ مسجد کے زمہ داروں کا کہنا ہے کہ مسجد سے متصل اس تعمیراتی کام کے سبب ہاؤس گلی کو پوری طرح استعمال میں لیا جا رہا ہے، جس کی وجہ سے بارش کے پانی کے نکاسی کا کوئی ذریعه نہیں ہے اور یہی پانی مسجد کے حوض میں داخل ہو رہا ہے۔

مسجد کے زمہ داروں نے اس بارے میں محکہ بی ایم سی کو شکایت کی ہے لیکن اب تک بی ایم سی کے جانب سے کوئی قدم نہیں اٹھایا گیا۔ وہیں ماقامی کارپوریٹر جاوید جنجا نے کہا ہے کہ وہ اس مسلے کا حل جلد سے نکالیں گے تاکہ مسجد بارش کے گندے پانی سے محفوظ رہے۔