ممبئی: دھاراوی میں کووڈ 19 کے 42 نئے کیسز

ممبئی کے گنجان آبادی والے علاقے دھاراوی میں کووڈ 19 کے مریضوں کی تعداد میں روز بروز اضافہ جاری ہے۔

برہن ممبئی میونسپل کارپوریشن کے مطابق پیر کے روز دھاراوی میں کووڈ 19 کے 42 نئے معاملے سامنے آئے ہیں جس کے بعد دھاراوی میں کل مریضوں کی تعداد 632 ہوگئی ہے جبکہ 20 افراد کی موت ہوئی ہے۔

مرکزی وزارت صحت کے مطابق مہاراشٹر میں اب تک 12974 کیسز رپورٹ ہوئے ہیں، ان میں سے 2115 افراد صحتیاب ہوئے ہیں جبکہ 548 افراد کی موت ہوئی ہے۔

اس کے ساتھ ہی گزشتہ چوبیس گھنٹے میں 2573 نئے کیسز رپورٹ ہوئے ہیں جبکہ 83 افراد کی موت ہوئی ہے جبکہ ملک بھر میں کووڈ 19 کے کل مریضوں کی تعداد 42836 ہوگئی ہے۔