مہاراشٹر سماجوادی پارٹی لیڈر ور کن اسمبلی ابوعاصم اعظمی کی کوشش آج رنگ لائی ہے کیونکہ مانخورد شیواجی نگر میں ایس ایم ایس کمپنی کو خالہ پور منتقل کر دی جائیگی۔ اس قسم کا احکام آج یہاں سماجوادی پارٹی لیڈرابوعاصم اعظمی, ایس ایم ایس کمپنی مینجمنٹ, ماحولیات محکمہ کے افسران اور بی ایم سی کی ایک اہم میٹنگ میں وزیر ماحولیات آدتیہ ٹھاکرے نے جاری کیا ہے۔
آدتیہ ٹھاکرے سے ملاقات کے دوران ابوعاصم اعظمی نے بتایا کہ ایس ایم ایس کمپنی کو بند کر نے کا مطالبہ وہ ہر مرتبہ ایوان اسمبلی میں بھی کرتے ہیں لیکن اب تک اس کمپنی کو بند سے متعلق کوئی حکمنامہ جاری نہیں کیا گیا ہے۔
جبکہ یہ معاملہ ہائی کورٹ میں بھی ہے ایسے میں اس کمپنی کو فوری طور پر بند کرنا ضروری ہے کیونکہ یہاں کے عوام اس کمپنی کے سبب متاثر ہے کیونکہ اس میں انسانی فضلا جلایا جاتا ہے اور جس کا دھواں انسانی جسم کے لئے انتہائی خطرناک ہے جس کی وجہ سے یہاں کے مکینوں عمریں قلیل ہوگئی ہیں اور اوسطا عمر 30 سے 40 سال ہوکر رہ گئی ہے اس لئے فوری پر اس کمپنی کو بند کیا جائے۔
جس پر آدتیہ ٹھاکرے نے اس کمپنی کو خالہ پور میں منتقلی کیلئے جگہ مہیا کروانے کے حکمنامہ اور اس سلسلے میں ضروری احکامات بھی جاری کئے ہیں اور دو تین دنوں میں کمپنی کو اجازت نامہ سے متعلق ضروری حکم بھی جاری کیا جائیگا۔
15 اکتوبر کو اس سلسلے میں ایک اہم میٹنگ بھی منعقد ہوگی جس میں یہ جائزہ لیا جائے کہ اس کمپنی کی منتقلی میں ابھی کیا رکاوٹ حائل ہے۔
ابوعاصم اعظمی کی کوششوں کے بعد آج باقاعدہ طور پر آدتیہ ٹھاکرے نے کمپنی کو منتقل کر نے کا حکم جاری کر دیا ہے جلد ہی اب مانخورد شیواجی نگر کے عوام کو اس کمپنی کے دھویں سے نجات ملے گا اور یہاں کا ماحول بھی ٹھیک ہوجائیگا۔
