'کسان اپنے حق کی لڑائی لڑ رہے ہیں'

ضلع سنبھل سے سماجوادی پارٹی کے رکن پارلیمان ڈاکٹرشفیق الرحمان برق نے کہا کہ' موجودہ حکومت نے کچھ صنعت کاروں کو فائدہ پہنچانے کے لیے ملک بھر کے کسانوں کو ٹھٹھرتی سردی میں سڑکوں پر لا کھڑا کیا ہے۔

ریاست اتر پردیش کے ضلع سنبھل سے سماج وادی پارٹی کے رکن پارلیمان ڈاکٹر شفیق الرحمٰن برق نے نامہ نگاروں سے کہا کہ' ملک بھر میں تینوں نئے زرعی قوانین کے خلاف مسلسل کسان احتجاج کر رہے ہیں۔

انہوں نے کہاکہ سماج وادی پارٹی کسانوں کے ساتھ ہے، پورے ملک میں تانا شاہی حکومت چل رہی ہے، مسلسل نئے نئے قوانین کے ذریعے ملک کے بڑے صنعت کاروں کو فائدہ پہنچایا جا رہا ہے۔

انہوں نے مزید کہاکہ کسانوں کے خلاف بنائے گئے مذکورہ قوانین کو جب تک حکومت واپس نہیں لیتی ہے تب تک سماج وادی پارٹی کسانوں کی حمایت میں سڑکوں پر اتر کر ان کی حمایت کرتی رہے گی۔

'کسان اپنے حق کی لڑائی لڑ رہے ہیں'

ڈاکٹر شفیق الرحمٰن برق نے کہا کہ' حکومت اب نہ تو اس قوانین کو واپس لینے کے لیے تیار ہے اور نہ اس قانون کو بدلنے کے لیے تیار ہے، اس قانون کے ذریعہ حکومت اپنی منمانی کر رہی ہے۔

انہوں نے کہا کہ' حکومت چاہتی ہے کہ کسان اپنا احتجاج ختم کر دیں، لیکن کسان اپنے حق کی لڑائی لڑ رہے ہیں اور جب تک اس قوانین کو حکومت واپس نہیں لے لیتی کسان اپنے حق کی آواز بلند کرتے رہیں گے۔