ریاستی حکومت اپنی ناکامی چھپا نہیں سکتی ہے: حاجی یوسف

اترپردیش کے مرادآباد سے سابق سماجوادی پارٹی کے رکن اسمبلی حاجی یوسف نے کہا کہ یہ سرکار پوری طرح ناکام ہے، کورونا وبا کے دوران لوگ پریشان حال تھے اور سرکار سو رہی تھی، آج سرکار کے نمائندے کچھ بھی بول کر عوام کو گمراہ کرے لیکن حقیقت کو جھٹلایا نہیں جا سکتا ہے کہ سرکار ناکام ہے۔

مرادآباد: اتر پردیش سرکار کے ساڑھے چار سال پورے ہونے پر وزیر اعلی اور ریاستی نمائندے جگہ جگہ پریس کانفرنس کر اپنی سرکار کے ساڑھے چار سال کے کارنامے گنوا رہے ہیں تو وہیں مرادآباد سے سماج وادی پارٹی کے سابق رکن اسمبلی حاجی یوسف انصاری نے ریاستی حکومت کے ساڑھے چار سال کے مکمل ہونے پر کہا کہ ملک میں عوام مہنگائی سے پریشان ہے، پیٹرول ڈیزل کے قیمتیں آسمان چھو رہے ہیں اور صوبائی حکومت اپنی کارکردگی پیش کر رہے ہیں جو بالکل عوام کے ساتھ دھوکہ ہے۔

مرادآباد میں صنعت پوری طرح تباہ ہوچکا ہے، غریب شخص بجلی جلانے سے ڈر رہا ہے، انہیں اس بات کا خوف ہے کہ کہی بجلی آمدنی سے زیادہ نہ آجائے۔

کورونا وبا کے دوران اس سرکار کی ناکامی کو پوری دنیا نے دیکھا ہے، جس سے چھپایا نہیں جا سکتا ہے۔