مرادآباد: انتظامیہ کی عوام سے اپیل

مرادآباد ایس ایس پی امت ترپاٹھی نے لوگوں سے اپیل کی ہے کہ وہ بلا ضرورت گھروں سے باہر نہ نکلیں، اس وبا سے نمٹنے میں حکومت کا تعاون کریں، کسی ایک کی لاپرواہی سب کے لیے پریشانیاں لاسکتی ہیں۔

ریاست اترپردیش کے ضلع مرادآباد کے ایس ایس پی امت پاٹھک نے علاقے کا جائزہ لیا اور ساتھ ہی لوگوں سے اپیل کی ہے کہ کوئی بھی بلا ضرورت گھر سے با ہر نہ نکلے، بغیر پولیس کی اجازت کے گاڑیوں سے سڑکوں پر گھومنے ٹہلنے کی اجازت نہیں ہے۔

ایس ایس پی امیت پاٹھک نے کہا کہ اجازت ملنے پر بائک پر ایک اور بڑی گاڑی پر دو لوگوں کے بیٹھے کی اجازت ہوگی۔

واضح رہے کہ اس عالمی وبا کے پیش نظر لاک ڈاؤن میں مزید توسیع کی گئی ہے تاکہ بھارتی عوام کو اس وبا سے نجات مل سکے۔ پورے بھارت میں نئے حکم کے بعد 17 مئی تک لاک ڈاؤن نافذ رہے گا، عوام کو راحت پہنچانے کے لیے علاقے کو تین حصوں میں تقسیم بھی کیا ہے تاکہ جہاں اس وبا کا خطرہ زیادہ ہے وہاں مزید احتیاط برتا جائے۔