مرادآباد: حج وعمرہ کرانے والے ٹریول ایجنٹ پریشان

چین کے ووھان شہر سے پھیلا کورونا وائرس اب دنیا بھر میں پھیلتا جا رہا ہے۔ اس وبا کے خوف سے سعودی حکومت نے دیگر مملک سے آنے والے زائرین عمرہ پر پابندی عائد کر دی ہے۔

کورونا وائرس سے متاثر ہونے کے خوف سے سعودی عرب نے اپنے یہاں عمرہ کی غرض سے شہر مکہ مدینہ آنے والے تمام زائرین پر پابندی عائد کر دی ہے۔

عمرہ زائرین کو لے کر سعودی عرب جانے والے سبھی اڑان رد کر دیئے گئے ہیں سعودی حکومت نے ابھی عمرہ اور ٹورسٹ وزٹ پر آنے والے سبھی زائرینوں کے سعودی عرب آنے پر روک لگا دی ہے۔

دنیا بھر سے تقریبا 70 لاکھ مسلمان ہر برس عمرہ کرنے کے لئے مکہ مدینہ جاتے ہیں سعودی عرب حکومت کے اس حکم سے حج اور عمرہ کا کام کرنے والے ٹریل ایجنٹ پریشان ہیں اور ان کا کاروبار ختم ہوتا نظر آرہا ہے۔