ریاست اترپردیش کے امروہہ ضلع کے مشہور شاعر اسلم بکآئی کی یاد میں ایک یادگار مشاعرہ کا انعقاد بزمِ حلقہ اربابِ ذوق تنظیم کی جانب سے گلراج عباسی ولد اسلم بکائی کی سرپرستی میں منعقد کیا گیا۔
اس یادگار مشاعرہ میں دور دراز سے آنے والے شعراء کرام نے شاعر اسلم بکائی کو اپنے کلام اور غزل کے ذریعہ خراج تحسین پیش کیا۔
مشاعرہ میں گلراج عباسی، ڈاکٹر ناصر امروہوی، ڈاکٹر پرویز، ڈاکٹر لاڈلے رہبر، حافظ شمیم امروہوی، حیدر نقوی سمیت متعدد مشہور شعراء نے اپنی تخلیقات پیش کیں۔
چند اہم اشعار پیش خدمت ہیں:
تمھارے طرز سخن کو غرور لکھے گا
وہ آئینہ ہے حقیقت ضرور لکھے گا
ہمارا خون ہوا مصلحت پرستی میں
زمانہ چپ ہے مؤرخ ضرور لکھے گا۔
دکھ کی گھڑی دیکھیئے کتنی بڑی ہے آج
دل جل رہا ہے کہ شمع جل رہی ہے آج
وہ جو سجایا کرتا تھا دنیا کی محفلیں
افسوس اسکی یاد میں محفل سجی ہے آج۔
تو نے جب خود کو کبھی اکیلا پایا ہوگا
میری یادوں کے سوا کوئی نا آیا ہوگا
میرے ہاتھوں کی چبھن یاد دلاتی ہیں مجھے
میں نے دامن تیرا کانٹوں سے بچایا ہوگا۔
ایک ہم ہیں کہ جنھیں شیشہ گری آتی ہے
ایک وہ ہیں جھنیں دل شکنی آتی ہے۔
