ریاست میں بی جے پی حکومت کے اقتدار میں آنے کے بعد سے ہی اعظم خاں پر سیاسی شکنجہ تیز ہو گیا تھا اور پے در پے 86 مقدمات دائر کراکر ان کو سلاخوں کے پیچھے بھیج دیا گیا۔
اعظم خاں کو اترپردیش میں مسلم قائد کے طور پر بھی جانا جاتا ہے۔ اس لیے اعظم خاں کے حامیوں کا خیال ہے کہ اعظم خان کو قید و بند کرکے حکومت مسلم قیادت کو کمزور کرنے کی کوششں کر رہی ہے۔ رامپور میں معروف سماجی کارکن اور اعظم خان کے قریبی ایڈوکیٹ عظیم اقبال خاں نے ہم سے بات چیت میں اپنے جذبات کا کچھ اسی طرح اظہار کیا۔
ای ٹی وی بھارت سے اپنی خصوصی بات چیت میں رامپور کے معروف سماجی کارکن اور آل انڈیا مسلم فیڈریشن کے صوبائی صدر عظیم اقبال خاں ایڈووکیٹ نے اپنے خیالات کا اظہار کچھ اسی طرح کیا۔ انہوں نے کہا کہ غریبوں کے لیے تعلیمی ادارے قائم کرنے والا شخص آج سیاسی بغض و عناد کا شکار ہے۔ ساتھ ہی انہوں نے یہ بھی کہا کہ اعظم خاں جیسی شخصیات کو قید کرکے موجودہ حکومت مسلم قیادت کو کمزور کرنا چاہتی ہے'۔
