مرادآباد: امام حسینؓ کی یاد میں جلوس

نواسہ رسولﷺ حضرت امام حسین رضی اللہ تعالی عنہ کی یاد میں سالانہ جلوس نکالا گیا۔

ریاست اترپردیش کے ضلع مرادآباد میں ہر سال کی طرح اس سال بھی محلہ لاکڑی والان میں نواسہ رسول حضرت امام حسین حسین رضی اللہ تعالی عنہ کی یاد میں ایک جلوس نکالا گیا۔

اس روایتی جلوس کے دوران مختلف انجمنوں نے نوحہ خوانی، ماتم اور سینہ زنی کا سلسلہ جاری رکھا۔اس جلوس کی مجلس کو مولانا سید سجاد حسین رضوی نے خطاب کیا، سوزخوانی میں سبط جعفر، انیس حیدر، راغب علی کے علاوہ مقامی اور بیرونی انجمنوں نے شرکت کی۔مرادآباد میں یہ روایتی جلوس ہر برس 28 اور 29 صفر کو نکالا جاتا ہے، اس موقع پر پولیس کی کثیر تعداد تعینات تھی۔