کانگریسی کارکنان نے میرٹھ میں سابق وزیراعظم اندرا گاندھی کے مجسمے کے نیچے سابق وزیراعظم راجیو گاندھی کی تصویر لگا کر خراج تحسین پیش کیا۔
کانگریس پارٹی کے ضلعی صدر ونود موگا نے کہا کہ 'مودی حکومت جو دعوی کر رہی ہے کہ کانگریس پارٹی نے 70 برسوں میں کچھ نہیں کیا وہ غلط ہے۔ راجیو گاندھی نے ملک کو کمپیوٹر اور جدید تکنیک سے لیس کیا۔ جس کے وجہ سے آج بھی انہیں بھارت کی عوام خراج تحسین پیش کر رہی ہے۔'
انہوں نے موجودہ حکومت پر تنقید کرتے ہوئے کہا کہ 'حکومت صرف جملے بازی کر رہی ہے اور اصل مسائل سے لوگوں کی توجہ کو ہٹا رہی ہے۔' انہوں نے مزید کہا کہ 'کانگریس پارٹی نے جو ملک کو دیا ہے اسے موجودہ حکومت سنبھال نہیں پا رہی ہے۔'
واضح رہے کہ سابق وزیراعظم راجیو گاندھی کی آج 75 ویں یوم پیدائش ہے۔ سنہ 1944 کو آج ہی کے دن راجیو گاندھی بھارت کے معروف تجارتی شہر ممبئی میں پیدا ہوئے تھے۔
