میرٹھ میں انڈین یونین مسلم لیگ کی جانب سے ایک تقریب کا اہتمام کیا گیا، جس میں بابری مسجد کی شہادت کے موقع پر اس دن کو یوم یادگار کے طور پر منایا گیا۔
انڈین مسلم لیگ کے عہدیداروں کا ماننا ہے کہ اپنی سیاسی جماعت کو مضبوط بنانے کے ساتھ ہی ملک میں نفرت کا ماحول پیدا کرنے کے لیے فرقہ پرست طاقتیں نئے شوشہ چھوڑتی رہتی ہیں تاکہ ملک کا ماحول خراب کیا جا سکے، خاص کر یوپی میں انتخابات سے قبل کاشی اور متھرا کو لیکر دیے جا رہے متنازعہ بیانات بھی اسی کی ایک کڑی ہیں لیکن عوام اب ان کے بہکاوے میں آنے والی نہیں ہے۔
یہ بھی پڑھیں:
Prof Ali Nadeem Rizvi on Babri Masjid Demolition: بابری مسجد کی برسی پر پروفیسر علی ندیم رضوی کا اظہار خیال
یوپی میں بابری مسجد کے نام سیاسی ووٹ حاصل کرنے والی سیاسی جماعتوں کو سبق سکھانے کے لئے عوام کو اب آگے آنا ہوگا۔ روزی روٹی اور ملک کی ترقی کے لیے کام کرنے والی جماعتوں کے ساتھ کھڑے ہوکر فرقہ وارانہ ماحول پیدا کرنے والی سیاسی جماعتوں کو جواب دینا ہوگا تاکہ ایک بار پھر سے آپسی بھائی چارے کو قائم کیا جا سکے۔
