ضلع بارہ بنکی میں پیر کو زبیرا پارک بستی کے تمام سنگ تراشوں کے ساتھ سندیپ پانڈے ایس پی دفتر پہونچے جہاں انہوں نے ’’سنگ تراشوں کے ساتھ کیے جا رہے مظالم‘‘ کے خلاف شکایت درج کی۔
سندیپ پانڈے نے سنگ تراشوں کو ہراساں کرنے والے قصورواروں پر ایس سی ایس ٹی ایکٹ کے تحت کارروائی کیے جانے کا مطالبہ کیا۔
ان کے مطابق شہر کے زیبرا پارک کے بھٹھیرا طالاب پر سنگ تراشوں کی ایک بستی گزشتہ 40 برسوں سے آباد ہے، انکے مطابق ’’یہ بستی گرام سماج کی اراضی پر آباد ہے۔ لیکن چند افراد انہیں وہاں سے ہٹانے کے لئے پریشان کر رہے ہیں۔‘‘
سندیپ پانڈے کا الزام ہے کہ 27 فروری کو ان سنگ تراشوں کو شر پسند لوگوں کے ذریعہ مارا پیٹا گیا، ’’بچوں کے ساتھ بھی مارپیٹ کی گئی اور دھمکی دی گئی ہے کہ اگر ان لوگوں نے بستی خالی نہیں کی تو وہ عورتوں کے ساتھ عصمت دری کریں گے۔‘‘
سماجی کارکن سندیپ پانڈے نے الزام عائد کرتے ہے کہ ’’پولیس کا رخ بھی اس معاملے میں درست نہیں ہے، کیونکہ اس واقعہ کے بعد شکایت درج کرنے والے 11مظلوم سنگ تراشوں کو جیل میں بند کر دیا گیا۔‘‘
انہوں نے بتایا کہ اس معاملے میں انہوں نے پولیس میں شکایت درج کی ہے۔ ان کا مطالبہ ہے کہ ملزمان کے خلاف ایس سی ایس ٹی ایکٹ کے تحت کارروائی کی جائے۔
