ہاتھرس معاملے میں اترپردیش حکومت کی جانب سے جاری کارروائی اور مقامی بی جے پی رہنماؤں کے بیانات و مقامی دبنگوں کی مسلسل دھمکی کے درمیان کانگریس جنرل سکریٹری پرینکا گاندھی واڈرا نے کہا کہ 'دلت لڑکی کو انصاف دیا جانا چاہئے بدنامی نہیں۔'
انہوں نے کہا کہ '20 سالہ دلت خاتون کے ساتھ گھناؤنا جرم کیا گیا۔ اس کے بعد اس کی لاش کو گھر والوں کی رضامندی کے بغیر جلا دیا گیا۔'
پرینکا گاندھی واڈرا نے ٹویٹ میں لکھا کہ 'ایک ایسی کہانی تیار کی جا رہی ہے جس سے ایک خاتون کے کردار کو بدنام کیا جائے اور اس کے خلاف کئے گئے جرم کے لئے اسے ہی ذمہ دار ٹھہرانا بغاوت ہے۔'
ہاتھراس میں ایک گھناؤنا جرم کیا گیا ہے، جس سے ایک 20 سالہ دلت خاتون ہلاک ہوگئی ہے۔
پرینکا نے ٹویٹ کیا کہ 'اس کی لاش اس کی فیملی کی شرکت یا رضامندی کے بغیر ہی جلا دی گئی۔ وہ انصاف کی حقدار ہے توہین کی نہیں۔''
